Wednesday, November 19, 2008

Mga Salitang Walang Direksyon

kanina pa ko nangangapa
ng litanya at mga salita
mga kakaibang kwento
o kaya’y karanasang karima-rimarim
na gustong ibahagi sa inyo

pero ang mala-bitukang nasa na loob ng kukote
tila walang pakialam
hindi nakakaramdam
para bang wall clock na nalaglagan ng baterya
na biglang namatay at hindi na gumana


at dahil natalo sa mahjong
iilang oras lang ang tulog
katawan ko tuloy mistulang binaunan ng bubog
masakit na mahapdi pa
bigat talaga pag naubusan ng pera

pero gaano man kabigat ang katawan
kasabay ng pagtirik ng liwanag ng buwan
kailangang manatiling dilat
hanggang sa pagsikat ng haring araw
kailangang trabaho pa rin ang mangibabaw

nanlilisik na mga mata
malalim na buntong hininga
ang hangin sa batok
nagdulot pa ng kilabot
sumasagitsit ang katahimikan
sa kumunoy ng karimlan

sige lakad ng lakad samuel bilibid
lumipad ka rin angkas ng ibong adarna
salubungin mo sa himpapawid ang seksing si darna
baka sakaling doo'y may mahagip ka
ng rekado at hinahanap mong timpla
sa mga salita mong wala namang kwenta



®

19 comments:

paperdoll said...

wahaha. . habang nibabasa co nirarap co. . di co tuloy naintindihan. . kayabinasa co ulit ng maayos. . hindi co pa rin naintindihan eh. . awwwwwwwwwwrrrrrrr. .

abe mulong caracas said...

kaya nga walang direksyon paperdoll nyahaha

eMPi said...

tama! walang direksyon nga... hahahaha

Vhonne said...

naiintindihan ko... na wala akong maintindihan... lol... talagang ganyan... pag talo sa sugal... walang direksyon... kung paano ka uuwi sa bahay... ahaha... lagot ka...

RJ said...

Ano kaya ang mga iniisip mo ngayon?! Huwag ka nalang kaya kayong mag-majong ulit.

Sa kaiisip ng ibabahagi sa inyong mga mambabasa, nakagawa tuloy kayo ng tulag ito. o",)

abe mulong caracas said...

MARCO sabi ko sa iyo eh

VHONNE buti ka pa naintindihan mo hehehe

RJ walang wentang salita...naging tula? hehehe

Anonymous said...

hahaha... ganyan talaga ang buhay...
may post ako dati na parang related sa punto ng letanya mo dito.. heheheh

Dhianz said...

naks! galing naman sa tula... =) nakikidaan sa page moh =) GODBLESS! -di

ka bute said...

na-extra pa si darna. hehehe (--,) nadaan lang.

Anonymous said...

may direksyon naman ah. at naging blog entry. at naishare mo sa mga ka-blog mo. :)

onatdonuts said...

naks astig naman to kuya mulong parang rap..ye! yo! haha hanggang ngayon pala nagmamadjong kapa? haha astig ka talaga.

___________

ah napanuod mo pala, siempre nasa news desk ka pala diba pag madaling araw. hahaha

abe mulong caracas said...

ASOK...kakosa k nga hehe

DHIANS...salamat

KA BUTE...di ko nalagay tumalon pala ko kay darna at sa kaniya ko umangkas nung nakasalubong ko siya

JOSHMARIE...hindi ba sa kawalan ang direksyon? hehehe

ONATS...adik sa mahjong hehehe

Amorgatory said...

nawawala akow, pahiram mapa,hahahah..

abe mulong caracas said...

oist amor talagang makapag comment lang ha ...naligaw lang pala hehehe

antukin Sa palengke said...

Ayus! kaaliw sya. sana makasalubong mo si darna ng sya ay mataranta hihihi.

Kosa said...

ako nga...lols hindi ba halata? lols wala lang dinalaw mo kase yung dati kong kuta na tinabi ko na sa likod ng sagingan eh.. kaya naalala kong bulabugin ka din...lols see you around

Nyl said...

free verse..malalim sya..

ang galing!:)

Anonymous said...

sa tingin ko ay malalim ang gawa mo. pinagisipan pa din at hindi rin basta basta ang nilalaman. parang tingin ko may mensahe talaga :-)

abe mulong caracas said...

ANTUKIN SA PALENGKE salamat...bakit naman sa sa palengke? hehehe

KOSA salamat sa pagdalaw? Kakosa ka talaga ng lahat

NYL para walang boundaries di ba? salamat din

DENCIOS salamat sa malalim na interpretasyon...